Longuinhos Armando Leto Kontinua Lidera INSS

by -596 views
Palásiu Governu Timor Leste. Foto Espesial

Jornalista Jaime Pires / Editór Noémio Falcão

Dili (Timor Post)—Governu liuhusi reuniaun Konsellu Ministru (KM) lidera husi Vise Primeiru Ministru, José Reis, Kuarta (19/01/2022) aprova projeitu rejolusaun renova mandatu Longuinhos Armando Leto nu’udar Prezidente Konsellu Administrasaun INSS (Institutu Nasionál Seguransa Sosiál).

Proposta rejolusaun ne’e aprejenta husi Vise Primeira Ministra no Ministra Solidariedade Sosiál no Inkluzaun, Armanda Berta dos Santos.

Longuinhos Armando Leto

Ministru Prezidénsiál Konsellu Ministru, Fidelis Leite Magalhães hafoin reuniaun konsellu ministru ba Jornalista sira haktuir, ho desizaun ne’e, Longuinhos kontinua lidera INSS durante tinan tolu

Konsellu Ministru renova mandatu membru sira konsellu administrasaun husi Institu Nasionál Seguransa Sosiál ba tinan tolu tan, nune’e Longinhos Armando Leto mantein hanesan Prezidente Konsellu Administrasun (INSS),” Longuinhos haktuir.

Nune’e mós, Azevedo Maracal no Cornelio Barros kontinua iha kargu vogal konsellu administrasaun nian, Alberto Carvalho de Araújo no Ramalho da Costa mantein hanesan reprezentante empregadór no traballadór.

Alende ne’e mós konsellu ministru aprova mós projetu dekretu governu rua, kona-ba renumerasaun, ba prezidente no fiskál úniku sira Institutu ba Defeza Direitu Labarik I.P no Institutu Nasionál ba Kombate HIV/SIDA I.P.

“Valor seña ne’ebé hodi selu ba ninia membru konsellu kosultivu nian, atu determina montante konkretu, kona-ba renumerasaun ne’e ho montante husi 0-3.000, governu konsidera ona valór, pratikadu, sira relasiona ho institutu públiku sira.

Aprovasaun ba projetu Governu ne’e mos aprezenta husi Primeira Vise Primeiru Ministru no Ministra Solidariedade Sosiál no Inkluzaun, Armanda Berta.

No More Posts Available.

No more pages to load.