Livre Loron Ida husi Sela Detensaun, TDD Desidi Diretór Elite Computer ho CEO Telemor tama Prizaun Preventiva

by -111 views

Timor Post (28/11/2020)—Tribunál Distritál Dili (TDD) foti desizaun hatama Diretór Elite Computer ho inisiál DP ho Chief Executive Officer (CEO) Kompañia Telekomunikasaun Telemor ba prizaun preventiva, hafoin sira livre husi sela detensaun loron ida.

TDD foti desizaun ne’e hodi kontinua loke oportunidade ba investigasaun ba kazu ne’ebé deskonfia Elite Computer ho Telemor futu lia hodi dada internet husi Atambua Indonézia mai Timor Leste.

Suspeitu na’in-rua fila ba uma iha loron 27/11/2020 hafoin hetan kaptura husi Polísia Servisu Investigasaun Kriminál (PSIK) iha loron 23/11/2020 iha ida-idak nia servisu fatin, maibé iha loron 28/11/2020, TDD foti desizaun ba prizaun preventiva.

Juis ne’ebé prejide julgamentu maka Juisa Ersilia da Silva, Ministériu Públiku reprejenta Prokurador Lídia Soares no Matias Soares. (jxy)

No More Posts Available.

No more pages to load.