Livre husi Auto Kuarentena, Xanana Asisti Jogu SLB Laulara Kontra FC Lalenok

by -192 views

Timor Post (12/12/2020)—Líder Nasionál Kayrala Xanana Gusmão livre tiha ona husi auto kuarentena durante loron 14 tuir regra saúde mundial konba-ba prevensaun husi moras daet COVID-19, hafoin fila husi Jakarta-Indonézia.

Xanana sai husi auto kuarentena durante ne’e iha nia rejidénsia Balibar, tún kedas ba Dili hodi asisti jogu futeból entre SLB Laulara ho FC Lalenok, iha Finál Tasa 12 Novembru 2020.

Observasaun haktuir, Xanana hatais faru riskadu mutin hatudu saudavel tebes. Tur iha tribun área VIP hodi asisti ho sériu jogu entre ekipa rua ne’ebé  atrativu tebes.

Antes ne’e Xanana semo ho aviaun Zet Privadu husi Dili ba Jakarta-Indonézia hodi hala’o kontrolu ba nia saudé (check up).

Semana ida iha Jakarta, doutor sira hafoin halo kontrolu ba líder karismátiku no Prezidente Partidu CNRT ne’e nia saúde di’ak tebes.

Xanana mós aproveita oportunidade hasoru malu ho Ministra Negósiu Estranjeiru Repúblika Indonézia nian hodi ko’alia kona-ba relasaun entre nasaun rua liuliu fronteira rai ho tasi. (cao)

No More Posts Available.

No more pages to load.