Lista Graduasaun UNTL-ISFIT Tama Ona Ministériu 

by -68 views

Timor Post (01/09/2020)- Ministériu Ensinu Superior Siénsia no Kultura (MESSK) Longuinhos dos Santos simu ona lista estudante finalista Na’in 577 hosi Universidade Nasionál Timor Lorosa’e (UNTL) ne’ebé atu tuir graduasaun iha fulan Setembru tinan ne’e.

“Lista Kona-ba estudante Finalista UNTL nian purvolta nain 577 maka atu prepara halo graduasaun sei akontese iha Setembru”, informa Ministru ba jornalista sira iha salaun MAP Komoro, Dili tersa (01/09).

Governante adianta aleinde UNTL iha mós lista husi ISFIT (Intituto Superior de Filosofia e de Teologia) ne’ebé tama ona iha ministériu atu halo verifikasaun no aprova hodi publika ba jornál repúblika nian.

“Lista graduasaun tama ona hatún ona despaisu hein verifika tuir lei ne’ebé mak iha fó oportunidade ba ekipa tékniku para verifika durante fulan ida nia laran”, dehan Ministru.

Entretantu Ministru ministru la dekor númeru estudante Finalista husi ISFIT maibé nia tenik katak karta tama ona iha meza no hatún ona despaisu.(Jornalista: Jaime Pires)

No More Posts Available.

No more pages to load.