“Lalika Oho-An”

husi -144 views

Poetiza: Alexandra Tilman

Iha pasu pontéiru dahuluk nian
ha´u isin namlele, ha´u klamar ta´uk
ha´u lakon forsa no esperansa husi ha´u isin-laek.
Atu hakilar hasoru ha´u lakon barani
Atu halai ha´u-ain todan
Atu hakilár ho lian makaas sé lós mak se tilun???

Matan wain koko oin-midar atu hamnasa iha ibun-tutun
Loke saku-matan be hakmatek iha sira-oin
Hahú matan wain mai hobur
Ranesan nehek hobur masin-midar iha sira matan
Hobur ba hobur, hobur la nahas.
Hobur nusi kós-oan be halerik
Hobur nusi lian laek dalan-ninin
Hobur nusi KULATRA Morena wain be karlele
Kaer la metin iha saku mutin nia fuan no laran makerek.

Ah…
Triste, triste…
Lian laek triste, Natureza halerik
Uma-lulik, fatuk-lulik, no foho lulik rain- nain la fó fatin.

Lian wain be hobur mehi ba mehi
Ké ba ké, fila liman ba mai iha saku mutin nia fuan no laran be makerek
Ranesan koko buka diamente no rahun ba kós-nian.

Ah.. fuan hakfodak sira-nare KULATRA morena loko-an
Buka paradeiru ba votus 23 iha maklotak be hamlaha.
Hamnasa midar hahú lakon iha minutu ne´e
Espresa fuan moras no laran-kanek ba Na´i-ulun, Laiha-Ulun
Ba votus iha Kós-Oan ho KULATRA Morena.

Ha´u-liman ain-mamar iha Tuts-nia leten
Haree ba mai Senáriu KULATRA jogu bonita
iha saku mutin nia fuan no laran makerek.

Sé lós mak sei dada sira-liman?
Sé lós mak sei taka saku mutin nia fuan no laran makerek ne´e?
Iha fatin ba fatin, iha lidun ba lidun
Kadeira nakdulas mamar, kazaku no gravatadu mós la barani!!!
Ah…iha ne´e sira wain no ha´u lian laek duni!!!
Husí letra no poezia karik sei mai lori mehi ne´e
Nodi sabir netik sira kakutak kahoer no fo´er ba Rai-Ne´e,
Nodi sabir sira fuan no laran makerek
Ba Kós-Oan, timor-oan no Rai-Timor Lafaek Lulik be ita tuba ba ne´e!!!

Ah……
Lalika….lalika mai hamaus
Lalika….lalika mai lohi
Lalika…lalika mai buka-oin
Tan sira kós laiha espellu no kadeira
Lalika….lalika mehi ba votus 23
Iha dalan-ninia no Kós-Oan be Hamlaha,
Lalika….Lalika OHO-AN ba dalan 23.

Metiuat, 23/03/2021
Oras 09:30