Lakon iha Ailoklaran, Família Hetan Fali Labarik Feton ho Nan iha Fatuahi

by -97 views

DILI—Labarik feton ho nan ho naran Jelita Alves tinan 10 no Benigno Alves tinan 7 ne’ebé lakon iha Ailoklaran Aldeia Terus Nain, Suku Villa Verde, Munisipiu Dili, iha loron Sexta (13/03/2020), família sir aba hetan fali iha Fatuahi.

Foufoun família sira deskonfia labarik na’in rua mota mak lori tanba sira nia uma ho distánsia eskola Ensinu Bajiku Saun Mateus, Ailoklara, Dili atravesa mota. Maibé família sira la hatene katak labarik na’in-rua fila on aba uma molok udan no la’o sai ba buka tuir nia inan ne’ebé tuir sira hatene baibain ba fa’an hena (obralan) iha Hera.

Labarik sira nia aman Eugenio da Costa Alves ba Timor Post via telefone hafoin hetan labarik sira haktuir, labarik sira la’o ain de’it tuir dalan ba Hera maka to’o iha Fatuahi, família husi labarik sira nia inan nian iha Fatuahi maka bolu tiha. Labarik sira nia inan ema husi Hera duni hola mane mak hela iha Ailoklaran no sempre ba faan hena iha Hera.

“Labarik sira ami hetan ho kondisaun di’ak hotu. Ami husu deskulpa ba públiku tanba durante oras hirak nia laran preokupa mós ba akontesimentu ida ne’e,” Eugenio subliña. (cao)

No More Posts Available.

No more pages to load.