Laiha Ona Serka Sanitária, Vasina Dala Rua Kontina Swab

by -1.120 views
Fidelis Leite Magalhães

Jornalista Jaime Pires / Editór Noémio Falcão

DILI (Timor Post)—Governu mantein preokupasaun ba saúde públiku sidadaun sira ninan hodi prevene moras daet COVID-19 ho variante sira, maka afirma katak maske laiha ona serka sanitária no konfinamentu obrigatóriu maibé kazu sa’e derepente ekipa vijilánsia ho seguransa nafatin impoin iha territóriu.

Ministru Prezidensiál Konsellu Ministru, Fidelis Leite Magalhães ba jornalista sira hafoin enkontru Konsellu Ministru iha Palásiu Governu, Kuarta (06/10/2021) subliña kestaun ne’e relasiona ho preokupasaun sira kona-ba serka sanitária no konfinamentu obrigatóriu jerál laiha ona maibé balun atu ba Munisípiu ka sai ba postu sira ekipa vijilánsia kontinua halo teste swap.

“Maski ita laiha ona serka sanitária maibé iha kazu balun derepente aumenta, entaun iha pesoal saúde no seguransa sira iha kompetensia hodi impoin nafatin rekejitu sira ne’e,” Fidelis hatutan.

“Ne’e ba sira tanba vasina ona no mós seidauk vasina, ba sira ne’ebé mak vasina dala rua ona mós kontinua swap nafatin, tanba ekipa saúde no seguransa sira iha pontu entrada sira kontinua iha kompetensia hodi impoin nafatin regra sira ne’e”, Termina.

No More Posts Available.

No more pages to load.