“Governu Falla Harii Edefísiu ba Ema ho Difisiénsia”

by -133 views
Imajen ne’e hatudu ema ho defisiénsia tuir kompetisaun basketbol iha Sekretaria Estadu Juventude no Desportu (SEJD), Dili. Foto Espesial

Jornalista Jaime Pires / Editór Noémio Falcão

Dili (Timor Post)— Premiadu Nobel da Paz nu’udar mos Eis Prezidente Repúblika, José Manuel Ramos-Horta husu ba governu atu tau atensaun ho sériu ba ema ho difisiénsia nia moris. Durante ne’e nia dehan, falla boot maka laiha edefísiu.

“Ita sei falla boot ida mak ita nia edifisiu barak mak seidauk harii ba ema ho difisiénsia sira, ida ne’e ita sei falla,” Horta subliña bainhira sai oradór ba semináriu nasionál hodi komemora loron Proklamasaun Independénsia RDTL ba-dala-46 iha Universidade Nasionál Timor Lorosa’e (UNTL), Kinta (25/11/2021)

Iha sorin seluk, Estudante husi Departamentu Dezenvolvimentu Komunitáriu (DC) Gaspar Afonso husu Governu tenke tau matan ba Ema ho Difisiénsia (EhD) iha nasaun Timor-Leste (TL).

“Governu Timor Leste presiza tau ema hotu hotu hanesan, tane ema hotu hanesan, labele husik ema ida iha kotuk, tanba ida ne’e mak presiza haree,” dehan Hasoru Afonso.

Maibé dadaun ne’e iha organizasaun lubun ida mak tau ona importánsia hodi nune’e ema hotu hotu labele husik ema ida iha kotuk.

Alende ne’e Universidade Nasionál Timor-Lorosa’e (UNTL) nia departamentu dezenvolvimentu Komunitáriu (DC) mós tau importánsia ba Ema ho Difisiénsia atu asesu ba iha banku universidade.

No More Posts Available.

No more pages to load.