Labarik Feton ho Nan Lakon Iha Ailoklaran

husi -15 views

DILI-Labarik feton ho nan ho naran Jelita Alves tinan 10 no Benigno Alves tinan 7 lakon iha Aldeia Terus Nain, Suku Villa Verde, Munisipiu Dili, iha loron Sexta (13/03/2020).

Labarik na’in rua lakon bainhira ba Eskola iha Ensinu Bajiku Saun Mateus, Ailoklara, Dili.

Tuir kronolojia, labarik sira nia aman Eugenio da Costa Alves informa, nia rasik hatoo ona informasaun ba autoridade polisia no sira kontinua buka namanas labarik nain rua.

Eugenio haktuir, iha loron ne’ebe udan boot iha tuku 1 labarik nain rua sai eskola la fila ba uma.

“Horiseik udan boot i mota boot (mota maloa). Ami seidauk hatene udan nee labarik sira atravesa mota ka lae ami sei buka tuir hela,” Eugenio ba Timor Post via telefone, Sabadu (14/03/2020).

Vitima sira nia uma iha Aldeia Terus Nain ho distansia ba eskola Saun Mateus atravesa mota Maloa. (cao)