Labarik Defisiente Hetan Apoiu Husi Espoza PR

husi -180 views
Espoza Prezidente da republika, Cidalia Nobre Guterres fahe ai fuan ba estudante defisiente sira iha Alma, Pante Kelapa, Dili, Tersa, (01/06). (Foto TP/ Jose Mauno)

(Reportájen Jose Mauno/Editor Suzana Cardoso)

DILI (Timor Post) – Hasoru selebrasaun loron mundiál diretu ba labarik ne’ebé monu iha loron 1 Fulan Juñu, iha Tinan 2021 ne’e Espoza Prezidente da Repúblika (PR), Cidália Nobre Guterres halo asaun karidade hodi fó apoiu ba labarik difisiente sira.

“Saida mak ami bele lori mai iha momentu ida ne’e, hanesan apoiu nesesidade báziku balun. Ba oin ita sei hamutuk para haree,” hatete Espoza PR, Cidália ba labarik defisiente sira iha madre Asosiasi Lembaga Minisonaris Awam (Alma) iha Pantai Kelapa, Tersa, (01/06/2021).

Katak Cidália, husi vizita solidaridade iha tempu pandemia Covid-19 ne’e, hotu-hotu bele pasa situasaun defisil ne’e ho diak. Ema hotu tenki iha konsensia hodi tuir vasina para bele la’o livre liutan. Ema boot sira kuandu tuir vasina sei proteje sira nia aan, ba familia nomos ba kiik oan sira.

Maski selebrasaun loron mundiál labarik iha tinan 2021 la hala’o komemorasaun, maibé Cidália ne’ebé hala’o vizita ne’e hamutuk ho PLAN Internasional haktuir, loron labarik

“Ohin loron labarik nian, ita labele selebra. Labele halo serimónia boot iha Timor Laran. Nune’e maka ami vizita de’it ba labarik sira ho kondisaun defisiente. No vizita mós labarik sira ne’ebé hetan violénsia. Husi vizita ne’e bele movita liutan labarik sira nia esperansa moris nian,” katak Cidália hafoin intrega apoiu aihan.

Apoiu aihan ne’ebé intrega ne’e mak hanesan; foos, mina, masin, rinso, sampo, biscuit no ai fuan.

Iha fatin hanesan: superior Alma iha Timor-Leste, madre Getrudis Bidi, ALMA, hatete to’o ohin loron labarik ne’ebé mak kura nia moras iha ALMA hamutuk 52. Husi númeru ne’e na’in 18 hela ho madre sira iha ALMA no seluk hela hamutuk ho família sira. (Lee notisia seluk jorná)