La Selu Taxa ba Estadu, KAK Detein Ema Na’in-4

by -742 views

Jornalista Jaime Pires / Editór Noémio Falcão

DILI (Timor Post)—Tribunál Distritál Dili (TDD) hatun mandadu buska no prende sasan iha kompañia Rane Auto Motor’s LDA ho Life Science Timor LDA iha Fatuhada, Postu Administrativu Don Aleixo, Dili tanba deskonfia importa ekipamentu médiku no suplay aimoruk, no  hatama karreta maibé la selu taxa ba estadu.

Komisaun Antí Korrupsaun (KAK) kumpri mandadu ne’e no halo kedas operasaun iha loron Tersa (17/08/2021). No hahú kedas prende dokumentu no sasan evidénsia sira, no detein ema na’in-4 husi kompañia rua ne’e durante oras 72.

Identifika dadauk kompañia rua ne’ebé nia nain ida de’it ne’e la selu taxa ba estadu hahú husi tinan 2012 to’o 2021. Dívidas sira la selu ne’e liu rihun $200.

Investigasaun kontinua la’o hodi hatúr lia loos husi kazu krime fraude fiskal ne’e.

Observasaun Jornalista Timor Post haktuir, ekipa KAK foti ema na’in-2 iha area Mandarin besik Euros no na’in-2 feto nu’udar estudante finalista universitáriu foti iha Institutu Siénsia Saúde (ICS).

Ema na’in-4 ne’e inklui mane rua no feto rua.

No More Posts Available.

No more pages to load.