La Konsege Sobu, Governu Hasai De’it Sedimentasaun iha Mota Bekusi

by -561 views
Vise-Primeiru Ministru no Ministru Ordenamentu Territóriu, José Reis

Jornalista Jaime Pires / Editór Noémio Falcão Sedimentasaun

DILI (Timor Post)—Governu liuhusi ministériu kompetente seidauk bele sobu ponte Bekusi tuir orientasaun Primeiru Ministru Taur Matan Ruak nian bainhira inaundasaun akontese iha loron 4 Abril liu ba.

Tanba governu la konsege sobu tanba sei iha hela prosesu laran no tempu udan atu monu fali rai, maka Vise-Primeiru Ministru no Ministru Ordenamentu Territóriu, José Reis hatete, sobu ponte Bekusi sei iha prosesu, agora prioridade atu hasai uluk sedimentasaun sira iha mota laran.

Ba jornalista sira hafoin hasoru malu ho Primeiru Ministru (PM), Taur Matan Ruak, iha Rezidensia Primeiru Ministru Farol, Segunda (04/10/2021), Vise Primeiru Ministru dehan, preparasaun governu hasoru udan monu rai la’ós de’it iha Ponte Bekusi maibé fatin seluk ne’ebé mak hetan estragus husi inundasaun iha fulan abríl liubá.

“Agora iha hanoin oinsá atu hasai rai henek iha mota ninin sira ne’e, tanba ha’u atu dehan hein fulan hira tan udan mai fila fali ona”, dehan Nia.

Nia subliña, tanba ne’e mak agora prioridade boot liu mak oinsá atu hasai Sedimentasaun sira ne’ebé mak iha mota lara.

“Ohin ha’u ho Primeiru Ministru mós ko’alia hela kona-ba ida ne’e, tanba ne’e prosesu ba pontus estragus Inundasaun iha fulan Abríl liubá ne’e sei iha hela prosesu”, Nia deklara.

Atu hakotu nia mós dehan, tanba ne’e Mota Bekusi prosesu atu sobu ne’e sei la’o hela agora hein atu hasai uluk rai henek sira iha mota laran ne’e, tanba udan besik mai ona mak sobu tiha ne’e sei impaktu boot ne’ebé preosesu sei la’o.

No More Posts Available.

No more pages to load.