La konkorda Extende Sersan, Mikrolete Halo Greve

by -194 views
Mikrotelhalo asaun demo hasoru governu

(Reportájen Cesário Sousa/Editor Suzana Cardoso)

DILI (Timor Post) – Tanba laiha rendimentu durante implementasaun Serka sanitaria (Sersan) iha Timor-Leste (TL) maka motorista mikrolete ho numeru operasaun 01 to’o 12 hamutuk iha palasiu governu hodi ezizi atu nafatin halai buka pasajeiru sira.

“Ami hanesan motorista husi 01 to’o 12 hakarak ejize ba governu katak durante estadu emerjensía hahu, ami ne’e terus tiha ona. Depois la loke dalan ba ami. Tanba ne’e mak ohin ami konsentra hamutuk iha ne’e para ejiji ba Governu atu la bele taka dalan ba ami.”

Lamentasaun ne’e hatoo hosi porta voz motorista mikrolete 010, Adão de Deus ba Jornalista iha Palasiu Governu, Sesta, (30/04/2021) hafoin Ministru Prezidensia Konsellu Ministru, Fidelis Manuel Leite Magalhaes anunsia aplikasaun konfinamentu obrigátoriu iha Kapital Dili.

Nia esplika, estadu no governu bandu total aktividade movimentu transporte publiku; hanesan mikrolete, taxi no anguna ne’e predjudika tebes rendimentu. Nune’e mak kondutor mikrolet no angguna mai halo asaun hodi ejize ba Governu atu fasilita nafatin movimentu kondutor hirak ne’e.

Motorista Adão haktuir balun hela deit iha alojamentu ka kost maka difikulta tebe sira nia moris, wainhira governu deside taka dalan ba transporte publiku sei difikulta atu hetan rendementu.

Nia subliña, governante sira hanoin diak. Tanba sira fulfulan simu osan nafatin. Maibe ami povo ki’ik nafatin terus no hamate ami nia moris.

Iha fatin hanesan motorista husi mikrolete 03, Aniceto dos Santos husu ba governu atu tau atensaun ba sira. Tanba antes estadu emerjensía dahuluk, governu kompromete ona atu fo subsidiu U$200 ba motorista sira. Maibe to’o ohin loron seidauk iha serteja.

“Ami husu governu atu tau atensaun ba ami uluk kedas estadu emerjensía dahuluk promete atu fo subsidiu $200 ba ami maibe to’o ohin loron laiha rejultadu,” lamenta motorista.

Anisetu salienta hahu estadu emerjensía dahuluk governu kompromete ba sira no hatama ona dokumentus ba parte relevantes maibe to’o ohin loron seidauk iha informasaun ruma.

Tuir observasaun Timor Post iha resintu palasio Governu nia oin kuaze transporte publiku sira hanesan mikrolet husi 01 to’o 12 para nakonu iha dalan publiku palasiu nia oin hodi hein governu nia resposta ba sira nia ejeijensia.

Hanesan públika oa iha jornál Timoe Post katak aplikasaun konfinamentu obrigátoriu iha Kapital Dili to’o loron 13 Maiu 2021. Maibé Munisipiu Manufahi no Liqusa aplika deit Serka Sanítariu. (Lee Notisia seluk iha jornal timor Post)

No More Posts Available.

No more pages to load.