KVMM Rejista Ona Kandidatu Na’in 11 Asesu ba Bolsu Estudu Hosi MAKLN

by -391 views
Prezidente Konsellu Veteranu Munisípiu Manufahi, Tobias da Costa Magno ‘Maksakor’

(Reportajen Lus Casimiro/Editor Mateus da Cruz)

MANUFAHI-Daudaun ne’e Konsellu Veteranu Munisípiu Manufahi (KVMM), simu ona kandidatu na’in-11 hosi veteranu no martires nia-oan sira, atu asesu ba bolsu estudu husi Ministériu Asuntu Kombatente no Libertasaun Nasionál, ba tinan 2022.

Tuir tarjetu, MAKLN sei simu de’it ema na’in 100 de’it, kompostu hosi primária na’in sanulu (10), Pre-Sekundária 10, sekundária 10 no ensinu superior na’in 70.

“To’o agora, ami foin rejista veteranu no martires nia oan atu asesu ba oportunidade ne’e, hamutuk ema na’in sanulu resin ida”, informa Prezidente Konsellu Veteranu Munisípiu Manufahi, Tobias da Costa Magno ‘Maksakor’ ba jornalista Timor Post, iha nia kna’ar fatin.

Nia hatete, prosesu rejistrasaun hahú hosi loron 21 fulan-Fevereiru, sei remata iha loron 22 fulan-Marsu tinan 2022. Bolsu estudu ida ne’e ba benefisiáriu sira hahú husi eskola nivel primária to’o nivel ensinu superior.

”kriteria ne’ebé presiza, mak billete identidade, sertidaun batizmu, no valor hosi eskola ne’ebé sira eskola ona ba, tenke aprezenta nota kada semester, maibé sira ne’ebé eskola ona semester 6, labele ona”, nia dehan.

Postu Same ho Fatuberliu, rejista ona estudante primária na’in-ida (1), pre-sekundáriu na’in-tolu (3), sekundária na’in-haat (4), no nivel ensinu superior na’in-haat (4), hela postu Turiskai no Alas mak seidauk mai rejista.

Tuir observasaun Timor Post nian iha baze, nota katak oras ne’e daudaun, ekipa kontinua simu no rejistu hela kandidatu ne’ebé atu asesu ba bolsu estudu refere.(lcl)

No More Posts Available.

No more pages to load.