Kronolojia Padre Deo ho Joven Sira Bakufila, Na’in Ida Mate

by -3.501 views

DILI (Timor Post)-Padre Paroku Ermera, Deonildo Andrade ho joven kuaje na’in-10 baku fila ho karreta ba rai naruk, iha Kuarta lorokraik (04/08/2021).

Akontesimentu iha Suku Talimoro, Postu Ermera, Munisipiu Ermera.

Husi akontesimentu ne’e rejulta Joven ida ho naran Jenildo Madeira hakotu iis hafoin evakua ba HNGV.

Padre Bento Barros Perreira iha HNGV haktuir, Padre Deonildo ho joven sira ne’e ba hili ai maran atu lori ba Paroku maka iha dalan mosu asidente karreta baku fila.

Padre Deonildo ho joven seluk hetan kanek todan no kmaan.

Joaquim Martins nu’udar matebian nia tiun ba Timor Post iha Mortuariu HNGV haktuir, karreta baku fila bainhira estrada tuun.

“Sira ba hili ai atu lori ba Paroku Ermera, fila mak dehan tun, lahatene travaun ka lakon kontrolu oinsa mak sira monu,” Joaquim haktuir.

Joaquim sente triste tebes ho akontesimentu ne’e rejulta Padre ho joven kuaze na’in sanulu kanek no nia subrinu rasik mate.

Observasaun haktuir iha HNGV ema barak ba haree vitima sira, inklui kolega Padre, Madre no familia sira. (cao)

No More Posts Available.

No more pages to load.