Krime Partisipasaun Ekonomia, KAK Buka no Prende Dokumentu Kompañia Gráfika Pátria

by -1.206 views
Foto TP: Jaime Pires

Jornalista Jaime Pires / Editór Noémio Falcão

Dili (Timor Post)—Komisaun Antí Korrupsaun (KAK) ho apoiu Polísia Servisu Investigasaun Kriminal Nasionál (PNSIK) ezekuta mandadu Tribunál Munisipál Dili ho Númeru Nuk.0012/21 buka no prende dokumentu kompañia Gráfika Pátria.

Asaun ne’ebé hala’o iha Tersa (21/12/2021) tuku 8:30 dader iha eskritóriu Bidau Lesidere ne’e tanba deskonfia kompañia Gráfika Pátria komete krime partisipasaun ekonomia.

Foto TP: Jaime Pires

Objetivu KAK buka no prende dokumentu no sasan sira ne’ebé bele prova investigasaun sira.

KAK mós halo investigasaun ba Diretór Kompañia Gráfika Pátria ho naran inisial EW nu’udar estranjeiru.

KAK akompañia husi PNSIK lori kedas suspeitu ka Diretór Kompañia Gráfika Pátria ba edifísiu KAK hodi kontinua halo investigasaun.

Enkuantu ba detensaun depende ba rezultadu investigasaun no dokomentu komprovativu sira ne’ebé mak ekipa KAK rekolla.

No More Posts Available.

No more pages to load.