Kontra Regra Neen Durante Finadu, Polísia Prende Motorizada 110

by -284 views
Foto PNTL

Jornalista Jaime Pires / Editór Noémio Falcão

DILI (Timor Post)—Polísia Nasionál Timor Leste (PNTL)-Unidade Tránzitu Rodo Viária Munisípiu Dili, prende motorizada hamutuk 110 durante feriadu loron finadu tanba kotra regra neen (6).

Motorista sira la kumpri regra neen ne’e inklui laiha xapa matríkula, la uza helem, dokomentus la kompletu, la tau asesores motorizada / balun la kompletu, karta kondusaun laiha no uza kani resin.

Komadante Polísia Tránzitu Roda Viária Munisípiu Dili, Inspitor Domingos Sarmento Gama haktuir, husi total motorizada ne’ebé nia parte prende barak liu iha loron hirak tama ba finadu.

Inspetór Domingos subliña, dadus ne’ebé fó sai ona la inklui operasaun konjunta ba karreta ho motorizada estadu nian ne’ebé hala’o husi parte Patrimóniu Estadu, Tránzitu Nasionál, Diresaun Nasionál Transporte Terestre no Komisaun Anti Korrupsaun (KAK).

No More Posts Available.

No more pages to load.