Konstrusaun Edifisiu BNCTL Foun Konklui 100%

by -138 views
Edifisiu foun BNCTL konklui 100%. Foto TP/ Cesario de Sousa.

Reportajen Jornalista Cesario de Sousa/Editora Isabel Ermelita

 

DILI (Timor Post)-Reabilitasaun ba edifisiu Banku Nasionál Komersiu Timor -Leste (BNCTL) konklui no reabilitasaun fiziku 100%, maibe fulan Setembru maka sei halo inaugurasaun.

Diretór Ezekutivu BNCTL, Brígido de Sousa, hateten fizikamente konstrusaun ba edifisiu ne’e konklui ona 100% no falta ekipamentu atendimentu nian.

“Fizikamente atinji tiha ona 100%, no sira hahú iha Jullu 2020 seidauk bele uza tanba sei falta kadeira, meza buat sira nee hotu,” informa Brígido ba Timor Post via telefone, Kuarta (23/06).

Nia hatutan, konstrusaun ne’e fizikamente kompania entrega ona, maibé sira sei kompleta tan ekipamentu atendimentu banku nian balun mak foin bele entrega.

“Sei hein hela mobiliariu sira, parese inisiu Agostu sira monta, instala, test buat hotu-hotu la’o inklui mos makina sira ne’e, buat hotu funsiona nune’e sira bele entrega ba BNCTL,” nia afirma.

Diretór Ezekutivu ne’e salienta, konstrusaun ba edifisiu ne’e responsabiliza husi kompania CSI husi nasaun Xina no konsulta ho empreza lokál KWK ho arsamentu millaun $1.2.

Nia espera, remata instalasaun ba ekipamentu atendimentu nian, no sei lansa ba públiku iha fulan Setembru tinan ne’e.

“Ami espera katak buat hotu kompleta, no edifisiu ne’e sei lansa ba publiku iha fulan Setembru,” nia informa.(Notisia seluk bele lee iha jornal Timor Post)

 

No More Posts Available.

No more pages to load.