Konservasaun Rikeza Timor-Leste

by -64 views
Foto Google

DILI (Timor Post) — Vise Ministru Agrikultura no Peska (MAP), Manuel Mendes, asinatura nota entendementu museum históriku iha Singapura liu husi jump meeting, ho objetivu atu halo konservasaun rikeza sira iha Timor-Leste.

Hafoin halo asinatura ba nota entendementu ho Museum Istóriku Singapura liu husi Jump Meeting, ne’ebé akompaña husi Diretór Jerál Floresta, diretór jerál MAP ho kargu xefia sira hodi akompaña prosesu asinatura ne’e la’o ho susesu.

Hafoin ne’e atu Vise MAP, Manuel Mendes, informa ba jornalista katak, atravesa husi ita nia konservasaun Internasionál iha Timor-Leste, kuandu bainhira durante tinan rua iha tratamentu ne’ebé naruk tebes mehi ida ne’e bele realiza iha Segunda (02/08).

Tanba tuir nia, katak Timor-Leste liu husi MAP liu-liu Diresaun Jerál Floresta, foin primeira véz asina nota entendementu ida ne’e ho instituisaun peskiza Museum Singapura nian, ne’ebé loron segunda,02/08, loron ida kontente ba povu Timor-Leste.

Tanba liu hosi asinatura memorandum ka nota entendementu ne’e, para bele kapasita liu tan Timor oan sira, oinsa maka bele iha kapasidade intelektuál ida atu konserva rikeza sira iha rai laran.

“Loron alegria ba Ministériu Agrikultura ne’ebé mak halo memorandum of understanding ho ita nia museum istóriku iha Singapura para atu bele fundamentu liu tan servisu ba interliga ho kapasitasaun no mós peskiza,” dehan Vise MAP, Manuel hafoin remata Jump Meeting hodi asina Nota entendementu iha Salaun Ekontru Diresaun Jerál Floresta, Kaikoli, Segunda (02/08)

“Oinsá maka ita bele deskobre ita nia rekursu naturais sira iha ita nia rain atu bele hodi haree ninia sustentabilidade ba ita nia nasaun, ita nia povu iha país Timor-Leste,” Vise MAP Manuel hatete.

Nia afirma, bainhira ita ko’alia kona-ba konservasaun ne’e iha flora no fauna, ke ita tenke kria kondisaun balu ne’ebé maka fundamentu ita nia peskiza para atu bele dezenvolve ita nia rekursu naturais ne’ebé maka jornalista sira mensiona konserva rikeza sira ne’e.

“ita hotu hatene to’o ohin loron ne’e ita nia estadu dependénsia de’it rekursu mina iha tasi Timor,” tenik Governante ne’e ba jornalista.

Nia realsa, más agora haree katak Ministériu Agrikultura ne’e mós fá parte ministériu ida maka potensialidade no mós atu bele haree servisu balu ne’ebé hodi bele responde ekonomikamente ba ita nia nasaun no ba ita nia povu.

Entaun servisu hotu-hotu, “Ita presiza finansiamentu bainhira karreta ida kuandu la’o presiza mina, maibé ministériu mós iha limitasaun orsamentu, maibé la’ós buat hotu-hotu ohin halo dala ida más ministériu tenta para atu hahú para depois sira seluk bele finaliza iha loron ikus mai,” nia katak.

“ita sei haree para atu bele tau iha planu orsamentu jerál annual, tanba ne’e maka ita presiza komunika ho tékniku sira para atu bele halo analiza orsamentu,” katak Governante ne’e”, hatutan nia.

Tanba tuir membru VIII Governu ne’e esplika, Timor-Leste presiza loke an ba mundu, hanesan ohin ho Singapura ne’e presiza tempu naruk, besik tinan rua, entaun Implementasaun MoU ida ne’e parte tékniku sira hahú la’o ona.

Tanba ne’e ba oin, nia dehan, presiza haree kapasidade oinsá halo relasaun di’ak ho nasaun avansadu sira para sira bele promove no dezenvolve saida maka iha rai Timor-Leste ne’e iha interligadu ho rekursu naturais ne’ebé nasaun ida ne’e iha.(f10)

No More Posts Available.

No more pages to load.