Konsellu Ministru Nomeia Paulo da Silva ba Prezidente EDTL E.P

by -212 views

Timor Post (06/01/2021)- Konsellu Ministru hasoru malu iha Palasiu Governu, ohin, (06/01) nomeia Paulo da Silva ba Prezidente Konsellu Administrasaun Eletrisidade Timor-Leste (EDTL) E.P.

Proposta  nomeiasaun ne’e hato’o hosi Ministru Obras Públiku, Salvador Soares Dos Reis Pires.

“Konsellu Ministru ohin aprova proposta Ministru Obras Publika nian, delibera hodi nomea, Paulo da Silva nu’udar Prezidente EDTL no nomeia mós Carlos Peloi dos Santos Reis ba Prezidente Konsellu Administrasaun Bee Timor-Leste (BTL) E.P”, informa Ministru Prezidensiál Konsellu Ministru, Fidelis Leite Magalhães, iha Palasiu Governu, kuarta (06/01).

 Prezidente (EDTL) E.P, Paulo das Silva no Prezidente Bee Timor-Leste (BTL) E.P Carlos Peloi dos Reis ne’e ba períodu tinan haat hahú hosi 2021-2025.

Jornalista: Jaime Pires

Editór: Mariano Martins

No More Posts Available.

No more pages to load.