Konsellu Ministru Nomeia Domingos Soares ba Prezidente Administradór Ataúru

by -1.169 views
Reuniaun Konsellu Ministru, Imajen Esp

(Reportajen Jaime Pires/Editor Mateus da Cruz)

Dili (Timor Post)- Reuniaun Konsellu Ministru (KM), kuarta (9/03), nomeia Domingos Soares sai hanesan Prezidente Administradór Munisípiu Ataúru.

“Ohin Konsellu Ministru aprova projetu dekretu lei ida husi Ministru Administrasun Estatal (MAE), hodi nomeia señór Domingos Soares sai hanesan Prezidente Administradór Munisípiu Ataúru,” dehan Ministru Prezidensiál Konsellu Ministru, Fidelis Manuel Leite Magalhães, ba jornalista sira hafoin remata reuniaun konsellu ministru iha Palásiu Governu.

Nia esplika, projetu dekretu lei hodi halo nomeasaun ne’e, aprezenta husi Ministru Administrasaun Estatal (MAE), Miguel Perreira de Carvalho, hafoin membru konsellu Ministru sira diskute no tetu hafoin halo aprovasaun.

“Nomeiasaun señór Domingos Soares, ba Prezidente Administradór Munisípiu Ataúru ne’e, nia Mandatu durante tinan tolu nia laran,” Nia hakotu.(Lee notisia seluk iha jornal Timor Post/asesu youtube Timor Post)

No More Posts Available.

No more pages to load.