Konsellu Ministru Aprova Orsamentu Duodésimu Millaun $122 ba Fulan Máiu 2020

by -323 views

DILI—Governu liuhosi reuniaun Konsellu Ministru estraordináriu aprova ona orsamentu duodésimu ka Dotasaun Orsamentu Temporáriu (DOT) ba fulan Maiu ho montante millaun $122. Montante ne’e inklui mós osan impréstimu.

“Ita tenke aprova dotasaun orsamentu temporáriu fulan Maiu nian ita labele dada beibeik,” Ministra Finansas Interina Sara Lobo Bites ba jornalista sira hafoin euniaun Konsellu Ministru iha sala auditóriu Kayrala Xanana Gusmão, Ministériu Finansas, Ai-tarak-laran, Tersa (05/05/2020).

Sara Lobo klarifika, totál orsamentu ne’e aprova aloka ba saláriu vensimentu millaun $ 17.892, bens servisu $ 44.294, transferénsia publika $26.591 no kapitál dezenvolvimentu $26.141 no nafatin esklui kapitál menór.

Ministra Interina ne’e subliña, nia parte nafatin aprezenta exepsaun ba instituisaun balu hanesan SAMES ne’ebé presiza atu asegura sira ninia knaar para bele abastese ai-moruk no ministériu obras publika atu asegura kombustivel ba jeradór sira. Embora iha exepsaun mantein nafatin ho montante rejime duodesimal ba prorogasaun tinan 2019 nian.

Entretantu governu daualu durante fulan lima ona uza orsamentu duodésimu kada fulan ho montante ne’ebé hanesan.  (kyt)

No More Posts Available.

No more pages to load.