Konsellu Ministru Aprova Ona Subsídiu $200 USD ba Kada Uma Kain

by -4.670 views
Ministru Prezidensiál Konsellu Ministru, Fidelis Magalhaes

(Reportajen Jaimne Pires/Editor Mateus da Cruz)

DILI (Timor Post)- Reuniaun Konsellu Ministru (KM), Ohin, aprova ona atu fó subsídiu ba kada uma kain ho montante $200 USD iha Fulan Dezembru.

“Konsellu Ministru aprova projetu dekretu lei relasiona atu fó apoiu ba uma kain sira,” dehan Ministru Prezidensiál Konsellu Ministru, Fidelis Magalhaes, iha Palásiu Governu, Sesta (06/05).

Portavoz Governu aumenta, objetivu husi dekretu lei ne’e atu kria no atu regula prestasa ba pagamentu pontuál ida ba uma kain timoroan sira nian.

“Pagamentu ne’e hanaran subsídiu fim do ano ho valór dólar amerikanu $200 ba uma kain ida-ida, ho medida ida ne’e atu fó apoiu ekonómiku ba família sira,” Nia deklara.

Nia esplika, uma kain sira ne’ebé mak atu bele simu apoiu ida ne’e ka atu sai benefisiáriu mak uma kain sira ne’ebé rejista ona iha livru rejistu uma kain, iha suku ida-idak to’o iha loron 28 fulan Fevereiru tinan 2022.

Projetu dekretu lei ne’e, aprezenta husi Vise-Primeira Ministra no Ministra Solidariedade Sosiál no Inkluzaun, Armanda Berta Dos Santos, no hetan aprovasaun iha konsellu Ministru.(Lee notisia seluk iha Timor Post/Asesu You Tube Timor post)

No More Posts Available.

No more pages to load.