Konsellu Ministru Aprova Ona Orsamentu Duodesimál Millaun U$ 116.4

by -134 views

DILI—Konsellu Ministru (KM) aprova ona orsamentu rejime duodesimál ho montante millaun U$ 116.4.

“Fixa montante orsamentu duodesimál aprova millaun U$ 116.4,” hatete Ministra Finansas Sara Lobob Brites ba jornalista sira hafoin audiénsia iha edifísiu Ministériu Finansas Aitarak Laran, Dili, Segunda (13/01/2020).

Ministra Sara esplika, desizaun ne’e aprova ho baze dekretu governu ho abrigu lei númeru 13/2019 ne’ebé altera husi lei númeru 9/2011 no 3/2013 ba rejime duodesimál.

Konjuntu husi normas ne’e atu dixiplina aplikasaun rejime duodesimál, ne’ebé atu ezekuta iha loron 1 fulan Janeiru tinan 2020.

Governu daualu remata ezekusaun orsamentu duodesimál bainhira orsamentu jerál estadu tinan fiskál 2020 tama vigor. (kyt)

No More Posts Available.

No more pages to load.