Konfirmadu! Alexandrino Mate, Mota Sasurut Komunidade Sira Nia Uma Tanba Mota Intupidu iha Ponte Bekusi

by -102 views

DILI—Konfirmadu, Sexta (13/03/2020), iha oras tuku 21:40 joven ida ho naran Alexandrino de Jesus ho naran istima Aleki husi Munisípiu Lospalos familia sira lori hikas husi ospital ba uma tanba mate kauza husi udan boot kuaze oras rua iha Dili.

Tuir kronolojia, joven ne’e iha udan boot ne’e hamriik hela iha uma oin besik ponte Bekusi, derepente mota tun maka’as lori ho foer taka metin bee dalan halo mota baku liu ponte no sasurut komunidade sira nia uma iha ponte ninin, nune’e matebian halai labiban.

Liu tiha minutu hirak nia laran komunidade sira hetan no konsege ba salva joven ne’e tanba fatuk no material uma ne’ebé hetan estragus hanehan hela no konsge lori halai ba Sentru Saúde Bekora maibé la konsege salva.

“Ami ba salva nia fuan sei book-an hela, maibé lori ba ospitál la konsege salva. Parese tanba hetan pankada maka’as tanba mota tun maka’as,” sasin haktuir ba Timor Post iha fatin akontesimentu.

Observasaun Jornalista Timor Post iha mate uma, iha Bekusi raihun, família sira prepara ona fatin. (jry/cao)

No More Posts Available.

No more pages to load.