Kondisaun Saúde Rekupera, Don Norberto Fila Hikas Mai TL

by -382 views
Amu Bispu Maliana, Don Norberto do Amaral, tun hosi aviaun Batik Malazia, iha Aeroportu Komoro, Kuarta ne'e

(Reportajen Gilberto Soares/ Editor Mateus da Cruz)

DILI—Hafoin durante semana rua ba halo tratamentu saúde iha Hospital Malázia, Prezidente Konférensia Episkopal Timorense (CET-Sigla Portugés) hanesan mós no Bispu Dioseze Maliana, Don Norberto do Amaral,  fila hikas mai Timor-leste ho aviaun Batik Air Malázia.

Vise Sanceler dioseze Maliana Padre Levincion Verdial ne’ebé akompana amu iha Malásia, informa tratamentu Bispu nian iha Hospital Malázia la’o ho di’ak, grasa de deús dezde primeira oras amu bispu to’o iha Malázia doutor sira simu amu bispu ho di’ak tebes.

“Tratamentu ne’ebé mak sira hala’o iha ne’ebá la’o tuir abstras ne’ebé mak doutor sira husi HNGV fó doutor sira iha ne’ebá la’o tuir ida nee”, nia informa ba jornalista sira iha sala VIP aeroportu internasional Nicolau Lobato Komoro kuarta (13/04).

Amu Bispu Lao tama ba Aeroportu laran, hafoin tun hosi aviaun

Maibé nia hatutan, doutór sira iha ne’ebá sira check up fila fali hodi haree hodi haree problema saida maka amu Bispu sofre no sira rezolve problema nee ida por ida.

“Entaun amu bispu nia problema saúde rezolve hotu, ikus liu mak terapia, terapia nee dehan ita bele halo de’it iha Timor tanba ne’e mak ohin ami fila”, nia dehan.

Nia hatete, moras loloos husi amu bispu nian hodi ba hala’o tratamentu iha hospital Malázia mak Hipertensaun, moras ida ne’e mak kauza husi tensaun ne’ebé mak aas, husi ida nee mak provoka ba amu bispu nia fuan no akontese saraf ida intupidu.

Iha sorin seluk Diretór Nasionál Servisu Hospitalar Emerjénsia iha Ministériu Saúde, doutor Nilton do Carmo da Silva, informa, durante Amu Bispu Don Norberto do Amaral ba halo tratamentu semana rua iha Hospital Malázia dia 23 Marsu fulan kotuk, amu halo duni nia tratamentu kuaze semana rua iha ne’ebá.

“Hanesan ita hotu hatene problema iha Amu Bispu nia moras maka problema iha kakutak ou stroke, depois problema mós iha korasaun no mós iha ita nia parte rins mai kraik”, nia haktuir.

Doutor Nilton hato’o, agradese tanba sira husi Hospital Malázia konsege rezolve ba iha stroke sira halo ezaminasaun diagnóstiku nune’e mós sira halo psioterapia, tanba nee mak ohin haree katak iha Mudansa ba iha amu nia saúde rasik.

Tuir observasaun Amu Bbispu Maliana tun husi aviaun iha oras tuku 9:16 ho aviaun Batik Malázia, amu la’o tun ba akompana husi amu bispu nia feton no padre Sanceler Dioseze Maliana.

Alende nee simu direita husi husi Sekretariu CET, Padre Leandro Maria Alves, Vigáriu Jerél Ddioseze Maliana Padre Lúcio Norberto, Sekretariu jeral PD, Antônio da Conceição ‘ Kalohan’ inklui  padre no madre sira.

Hafoin tama ba sala VIP durante mentu balu nia laran vizita husi prezidente partidu CNRT Kay Rala Xanana akompana ho Sekretariu jeral partidu CNRT.(Lee Notisia Seluk Iha Jornal Timor Post/ Asesu You Tube Timor Post)

No More Posts Available.

No more pages to load.