Kona-ba Ponte Bekusi: Taur Rekoñese Sobu Fasil, Harii Fali Difisil

by -1.792 views
Imajen ne’e hatudu Primeiru Ministru Taur Matan Ruak konversa hela ho Jornalista sira iha rezidénsia offisiál Farol, Dili, Tersa (14/09/2021). Foto Espesiál

Jornalista Jeremias Soares / Editór Noémio Falcão

DILI (Timor Post)—Primeiru Ministru Taur Matan Ruak fó resposta ba preokupasaun públiku liga ho nia deklarasaun kona-ba sobu kedas ponte Bekusi.

Bainhira udan tau rai maka’as iha dia 4 Abril liu ba iha Dili hamosu inundasaun boot no Primeiru Ministru tún direta ba observa situasaun iha terrenu no to’o iha Bekusi, Xefe Governu lansa krítika maka’as kona-ba obra konstruksaun ponte Bekusi no nia afirma tenke sobu kedas iha loron ida tuir mai, maibé to’o agora seidauk sobu no halo hikas ponte foun.

“Ita sobu ne’e fasil, ita harii fali ne’e difisil,” Taur Matan Ruak subliña iha konferénsia ba imprensa, Tersa (14/09/2021), iha rezidénsia offisiál Farol, Dili.

Maske nune’e, Taur hatete, Ministru Obras Públika Salvador Pires garante ona ba nia prepara dadauk dezeñu.

“Entaun presiza halo estudu ida di’ak, no Ministru Obra  Públika garanate ona ba ha’u, katak sira prepara hela dezenu, uma vez dezenu hotu, naturalmente sira sei haree pasu saida mak hakat ba oin,” Taur subliña.

No More Posts Available.

No more pages to load.