Komunidade Xinés iha Timor La Selebra Tinan Imlek 2021

husi -47 views
Foto: Jornal Business Timor

Timor Post (12/02/2021)- Komunidade Xinés ne’ebé  hela ih Timor-Leste,  la selebra loron imlek tanba kumpre regra Estadu Emerjénsia iha Timor-Leste tanba Covid-19.

Tuir Observasaun Timor Post iha edifísiu Xina Maromak, la iha atividade hanesan tinan baibain, maibé sunu de’it lilin  ritual iha estátua no iha odamatan boot.

Jornalista tenta dada lia ho reprezentante Xina Maromak balu maibé la fó komentáriu. Maibé

Emprezária Timoroan, Claricia Lay, hanesan jerasaun hosi Xina hatete, esplika loron ida ne’e espesiál   ba nasaun Xina

“Ohin loron espesiál no importante tebes ba nasaun Xina, tanba ohin loron hanesan tinan foun “, dehan Claricia Lay, ba jornalista sira iha nia fatin, Kuluhun, sesta (12/02).

Lay hatete sira  banati nafatin kultura uluk kundu sira sei ki’ik katuas ho ferik sempre fó ampau ba labarik sira.

“ Ampau ne’e tuir kultura Xina nia dehan fó bensan ba labarik sira, ne’e kultura dezde uluk”, Lay subliña.

Na’in ba Loja Jacinto ne’e  nia hanesan sarani protestante maibé kultura  prepara ona pakote ampaun (50), hodi hakarak fahe ba labarik sira ne’ebé mak konsidera hanesan ki’ak no mukit.

Lay sita iha pakote laran   iha foos, mina, sabaun, omu-rahun no sira seluk tan kona-ba nesesidade loron-loron nia.

Atu hakotu nia Claricia  hato’o ‘si nien kuai lok-gong xi fa chai’ ba  nia família, kolega emprezáriu, tomak tantu iha rai li’ur no mós iha rai laran ne’ebé mak ohin selebra loron ne’e.

Jornalista            : Jaime Pires

Editor                    : Mariano Martins