Komunidade Lori Aihan Dodok iha Programa Sesta Bázika ba PN

husi -261 views

Timor Post (06/01/2021)-Komunidade terseira idade ida,  hosi Aldeia Fomentu II, Suku Komoro, José da Costa dos Santos, Tersa (06/01) hakat-ain ba Parlamentu Nasionál hodi  keixa distributor programa sesta bázika.

                José fó prova katak Na’an ho Ikan programa Sesta báziku ne’ebé simu iha supermerkadu Leader  la iha  kualidade tanba dois.

“Ohin ha’u mai parlamentu tanba sasán ami simu ba moras Covid-19 nian iha Loja Lider, loron tersa (05/01). Ha’u nia oan ba tuku 11 fila tuku 3 loro kraik. Lori sasán sira ne’e ba uma depois loke haree  naan ho ikan ne’e dois hotu, mak ohin ha’u lori mai hato’o iha parlamentu nasionál”, José informa ba jornalista sira hafoin hasoru ho deputadu  Komisaun D, Tersa (06/01).

José hatutan, bainhira jelu nabeen tiha ikan ho na’an is komesa sa’e daudaun ona. Jose dehan bele-bele hahán hirak ne’e maka bele halo fali ema mate molok (Covid) mak halo.

 Komunidade ne’e deside katak sasán hirak ne’e di’ak liu aprezenta ba deputadu iha parlamentu duke lori fila ba loja na’in. tuir nia katak lori fali ba loza Nain sei kria tan problema.

 Hatán ba situasaun ne’e Prezidente Komisaun D, trata asuntu Ekonomia Dezenvolvimentu, deputadu Antonino Bianco, hateten tuir los komunidade keixa  ba funsionáriu KAK, PDHJ no autoridade sira ne’ebé prezensa iha fatin ne’e atu loja na’in bele troka kedas kuandu haree dehan sasán sira ne’e ladi’ak.

Maibé nu’udar reprezentante povu Bianco esplika bainhira komunidade mai hato’o keixa komisaun prontu apontamentu keixa ne’e.

Deputadu ne’e apresia tanba komisaun foin primeiru vés Tiu José maka hato’o uluk keixa, ne’ebé ema seluk nian, dala ruma sasán di’ak hotu.

Jornalista: Julio Salinas Soares

Editor: Mariano Martins