Kompañia Rua Introdús Teknolojia Foun Konstrusaun Estrada Ba PM

by -77 views

Timor Post (28/08/2020)- Kampaña rua hosi Renolith LDA no Exótca LDA, Sexta (28/08) introdús teknolojia konstrusaun estrada ba Primeiru Ministru Taur Matan Ruak iha Palasiu Governu.

“Kompañia rua ne’e sei loke teknolojia foun ne’e iha Timor-Leste hodi produz rasik alkatraun tanba, durante ne’e estadu gasta osan no gasta tempu tanba alkatraun hola hosi rai li’ur no presiza tempu mak nia mai, enkontru ohin ho Primeiru Ministru ne’e kompañia rua introdús teknolojia foun ba konstrusaun estrada nian” informa Koordenadór Unidade Planeamentu Monitorizasaun Avaliasaun (UPMA) Brígida Soares ba Jornalista sira iha Palasiu Governu, sesta (28/08).

Brígida adianta, benefísiu hosi uza teknolojia foun ida ne’e estadu bele halo poupansa ba iha osan no tempu, ne’ebé mak estadu utiliza ba konstrusaun estrada sira nasionál no rurais.

“Primeiru ministru mós interesante tebes ho aprezentasaun ida ne’e ne’ebé sei iha aprezentasaun ba Vise-Primeiru Ministru no mós Ministru Oras Publika iha tempu tuir mai”, hatutan Koordenadóra.(Jornalista: Jaime Pires)

No More Posts Available.

No more pages to load.