Kompañia Bead Ford Ateru Ona Estrada Merbuti Ne’ebé Liga Suku Letefoho no Holarua

by -389 views
Kompania Bead Ford fasilita makina Makina Eksa hodi ateru tiha tahu teen iha estrada Ermeti, Suku Letefoho, Manufahi, Imajen TP/luis casimiro

(Reportajen Korespondente Manufahi, Luis Casimiro/Editor Mateus da Cruz)

MANUFAHI—Ministériu Obras Públika (MOP), koordena ho autoridade munisípiu Manufahi hodi husu Kompañia Bead Ford apoiu mákina eksa ida hodi ateru no suru rai ten ne’ebé taka metin iha estrada Merbuti diresaun suku Letefoho no suku Holarua .

Ho pedidu ne’e, kompañia Bead Ford fasilita mákina eksa ida ba Merbuti hodi hadia estrada ne’ebé monu iha Kuarta loron (09/03) hodi difikulta movimentasaun transporte públiku.

Hafoin suru rai ten, Mandor kompaña “Bead Ford” Eliazar da Silva Fernandes ,hatete, kompañia fasilita ekipamentus pezadu eksa hodi ateru no dudu hikas rai ten ne’ebé monu taka tomak estrada nune’e bele normaliza fali movimentu transporte tantu públiku no privadu.

“Ohin ami mai ateru no dudu rai ten ne’ebé horsehik udan boot monu taka metin estrada,”dehan, Eleizar ba jornalista iha Merbuti, Kinta (10/03).

Nia dehan, serbisu ne’e halo tanba autoridade munisípiu mak husu atu Kompañia apoiu ekipamentu  hodi ajuda hadi’a dalan ne’e. (Lee notisia seluk iha jornal Timor Post/asesu youtube Timor Post)

No More Posts Available.

No more pages to load.