Komisáriu Faustino Lidera Operasaun Dahuluk iha Sidade Dili:  Taka Loja Automotivu, Eletróniku no Konstrusaun

by -101 views

DILI—Komandate Polísia Nasionál Timor Leste (PNTL), Komisáriu Faustino da Costa, iha loron Segunda (30/03/2020) lidera operasaun dahuluk iha sidade Dili hodi taka loja sira ne’ebé faan sasan eletróniku no aútomotivu no material konstrusaun sira.

Operasaun hahú husi Audian konsege tka ona loja sira ne’ebé kontra bandu.

Operasaun ne’e permite de’it loja sira fa’an nesesidade báziku no ofisina sira.

Autoridade sira tama sai loja hodi fahe nafatin informasaun no apliga regra sira kona-ba distánsia sosiál no husu ba sidadaun hotu atu uza maskra.

Tuir observasaun Jornalista Timor Post haktuir, iha sidade Dili fuik laiha movimentasaun transporte públiku no privadu sira rame hanesan situasaun normal.

Polísia sira mós halo kontrolu ba motorizada sira ne’ebé tula ema na’in rua.

Rezumu husi Medida Sira Governu  Aprova ba Estadu Emerjensia COVID-19

Medida sira ne’ebe Governu Aprova iha Konsellu Ministru maka hanesan tuir mai ne’e:

Suspensaun:

* Suspende Movimentu Transporte Publiku

* Suspende Atividade Desportiva Sira Hotu

* Suspende Atividade Halibur Malu iha Grupu

* Suspende Atividade Festa

* Suspende Atividade Kultural ne’ebe Halibur Ema Barak

* Suspende Vizita Mate Uma Simultanea iha Numeru Bot, Masimu na’in 10

* Suspende Estranjeiru atu Tama Mai Teritoriu Timor-Leste

* Sidadaun Timoroan Ne’ebe Tama Mai Teritoriu Tenke Tama Kuarantena

* Individu Ne’ebe Dezenvolve Sintomas Covid-19 Tenke Hetan Teste Husi Ministeriu Saude

* Izolamentu Obrigatoriu ba Ema Ne’ebe Afetadu husi Covid-19

* Izolamentu Obrigatoriu ba Individu Ne’ebe Tama Teritoriu Timor-Leste no Hetan Sintomas Covid-19

* Proibi Halo Reuniaun no Manifestasaun Ne’ebe Liu Ema Na’in 5

* Suspende Ativiade Relijozu Hanesan Missa, Sholat, etc

Atividade Komersial:

* Ba Individu ne’ebe vizita fatin Komersial tenke Uza Maskara Taka Ibun no Inus

* Fase Liman Antes Tama ba Fatin Komersiu hanesan Loja, Mini Merkadu, Supermerkadu, no Merkadu

* Mantein Distansia Minimu Metru Ida Iha Fatin Komersiu Sira Mensiona iha Leten

* Na’in ba Fatin Komersiu Tenke Prepara Fasilidade Fase Liman Nian

* Na’in ba Fatin Komersiu Labele Husik Ema Ne’ebe La-Kumpre Regra Fase Liman no Latau Maskara atu Tama iha Fatin Komersiu

* Vendedor Ambulante ka Gerobak Bele La’o Nafatin Maibe Tenke Kumpre Tau Maskara no Prepara Fasilidade Fase Liman Nian

Halo Rezumu De’it ba Regra Sira Ne’ebe Iha Relasiona ba Ativiade Sidadaun Komun Nian. Ba Funsionariu Publiku sira mos iha regra ne’ebe parese sei distribui ba kada Instituisaun Publika. (res/cao)

No More Posts Available.

No more pages to load.