Komandu PNTL Rejista Kazu Hamutuk-24 Maioria Konflitu

by -89 views
Superentendente Xefe Arnaldo de Araújo

Jornalista Jaime Pires / Editór Noémio Falcão

Dili (Timor Post)—Porta-voz Komandu Jerál Polísia Nasionál Timor-Leste (PNTL), Superentendente Xefe Arnaldo de Araújo haktuir, durante semana ida ikus ne’e to’o loron 24 rejista kazu konflitu iha territóriu hamutuk-24.

Nia dehan lia hirak ne’e ba jornalista sira iha Kuartel Jerál Polísia Nasionál Timor-Leste (PNTL), Kaikoli Kuarta (24/11) liuhusi konferensia imprensa.

“Akontese iha territóriu nasionál tomak kazu hamutuk-24, ne’ebé mak domina husi asaltu malu,” Arnaldo subliña.

Nia dehan, kazu seluk mak hanesan halo tranzaksaun sasán ilegal iha fronteira terrestre entre Indonézia no Timor-Leste.

“Iha loron (19/11) Komandu Munisípiu Bobonaru prende kilat Anin lolon Ualu no fugetis dos tolu, suspeitu ba kazu ida ne’e dadaun ne’e iha hela Komandu Munisípiu Bobonaru, inklui evidensia sira ne’e”, dehan Nia.

Nia mós reforsa iha loron (23/11) ne’e mós UPF  kaptura estudante na’in rua tanba tama ho ilegal iha fronteira ho rajaun sira nia pasaporte mate, ne’ebé estudante na’in rua ne’e entrega ona ba iha Kuartel UPF Batugade hodi submete ba Karantina, molok kontinua ba prosesu investigasaun.

Iha loron ne’e mós Polísia Unidade Patroliamentu Fronteira (UPF), halo operasaun kaptura mós sidadaun na’in rua ne’ebé mak ho motor atu ba simu atributu arte marsiais nia husi Indonézia haruka mai fronteira.

“Sidadaun na’in rua ho motor atu ba simu iha fronteira maibé UPF halo operasaun hetan hodi kaptura no prende atributu kuaze atus ida resin, ne’ebé mak dadaun ne’e nafatin iha Kaurtel UPF Batugade, no sei entrega ba Komandu PNTL Munisípiu Bobonaru hodi kontinua ba prosesu investigasaun.

No More Posts Available.

No more pages to load.