Komandu PNTL Manufahi fó Atensaun ba Membru sira Kona-ba Lei KAK Artigu 60-61

by -93 views

MANUFAHI—Komandante Komandu Polisía Nasionál Timor Leste (PNTL) Munisípiu Manufahi, Superintendente Joni Viana das Regras, fó ona atensaun ba nia membru sira kona-ba Lei Anti Korrupsaun (KAK) liuliu artigu 60 no 61 ne’ebé haktuir kona-ba subornu.

“Ita nia lei KAK promulga ona ho ida ne’e ita nia komandu jeral Polisia Nasionál Timor Leste fó atensaun liuliu ba artigu 60-61 proividu ba ita atu hetan subornu husi ema ruma,” subliña Komandante Joni ba Timor Post nia Komandu Munisipál.

Tanba ne’e, Komandate Joni husu ba komandante eskuadra Turiskai, Alas, Same no Fatuberlio atu hatutan ba membru sira hotu atu proividu simu subornu husi ema ruma.

“Hala’o ita nia kna’ar nu’udar polisía labele hetan vantajen husi ema ruma, labele simu osan ka material ruma husi ema ruma ne’e proividu tebes-tebes,” Komandante Joni subliña. (lcl)

No More Posts Available.

No more pages to load.