KM Deside Ministru José Lucas Substitui Kalbuadi Lay ba Expo Dubai

by -269 views
Ministru Turizmu, Komérsiu no Indústria, José Lucas do Carmo

Timor Post (27/01/2021)-Konsellu Ministru aprova, Ministru Turizmu, Komérsiu no Indústria, José Lucas do Carmo, substitui Francisco Kalbuadi Lay ba Autoridade Nasionál, Expo Dubai (ANED) 2020.

Ministru Prezidensiál Konsellu Ministru, Fidelis Leite Magalhães dehan, projetu rezolusaun governu ne’e aprezenta hosi Ministru Turizmu Komérsiu no Indústria (MTCI), José Lucas do Carmo rasik, no hetan aprovasaun hosi Konsellu Ministru ohin, kuarta (27/01) iha Palasiu Governu.

“Konsellu ministru aprova ona projetu rezolusaun governu nia, ne’ebé aprezenta hosi Ministru Turizmu Komérsiu Indústria, ne’ebé nomeia Autoridade Nasionál ba Expo Dubai 2020”, dehan Fidelis.

Governante ne’e deklara, “ho aliterasaun ne’e, Ministru José Lucas do Carmo da Silva substitui Francisco Kalbuady Lay”, tenik nia.

Antes ne’e delegasaun ida hosi Timor-Leste lidera hosi Autoridade Nasionál ba Expo tinan 2020 Dubai, Francisco Kalbualdi Lay partisipa ona iha loron 29-30 fulan Novembru 2019 iha Dubai. Infelizmente eventu ne’e seidauk realiza tanba pandemia global Covid-19, ne’ebé hamate ona liu millaun 3 iha mundu tomak.(Jornalista: Jaime Pires, Editor Mariano Martins)

No More Posts Available.

No more pages to load.