KM Autoriza Tenderizasaun Internasionál ba Projetu Estrada Laga-Baguia

by -3.086 views
Ministru Prezidensiál Konsellu Ministru, Fidelis Magalhães

(Reportajen Jaime Pires/Editor Mateus da Cruz)

DILI (Timor Post)- Konsellu Ministru autoriza loke prosedimentu aprovizionamentu nian ho tipu konkursu públiku Internasionál ba kontratu estrada Postu Administrativu Laga-Baguia Munisípiu Baukau.

“Konsellu Ministru delibera atu autoriza hodi  loke prosedimentu aprovizionamentu nian ida ho tipu Konkursu Públiku Internasionál, ba ajudikasaun kontratu ida ba reabilitasaun estrada munisipál, entre Laga no Baguia,” dehan Ministru Prezidensiál Konsellu Ministru, Fidelis Magalhães, iha Palásiu Governu, sesta (13/05).

Nia hatete, Estrada Laga-Baguia ne’ebé atu reabilita ne’e naruk kilómetru 38.03 no valór globál ne’ebé estima mak US$ 22.366.181,74.

“Objetivu husi obra reabilitasaun estrada ne’e mak hodi garante asesibilidade no dezenvolvimentu ekonómiku nasaun nian iha Timor-Leste,” hakotu.

Enkuantu deliberasaun ne’e aprezenta husi Ministru Obra Públika (MOP), Abel Pires no hetan autorizasaun husi membru Konsellu Ministru tomak hafoin halo aprovasaun.

Hafoin halo aprovasaun iha tempu badak sei loke ona konkursu públiku hodi hahú halo ona reabilitasaun ka konstrusaun estrada Diresaun husi Postu Administrativu Laga ba Baguia iha Munisípiu Baukau.(Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.