KM Aprova Tetu Dotasaun Orsamentál Milaun $120.7 ba Fulan Jullu

by -464 views

Timor Post (08/07/2020)- Ministru Prezidensiál Konsellu Ministru Fidelis Leite Magalhães hateten, Konsellu Ministru aprova prozetu deliberasaun ba tetu final dotasaun orsamental ho montante $120.7 Millaun ba fulan Jullu tinan 2020 ne’e.

Prozetu deliberasaun ne’e aprezenta hosi Ministru Finansas Fernando Hanjam, kona-ba tetu final ba dotasaun orsamentál temporariu relativu ba fulan Jullu 2020 ho valor fiksu dolar amerikanu millaun $120.7 inklui pagamentu ba emprestimu sira hotu.

“Konsellu ministru mós ohin aprova deliberasaun ida aprezenta hosi Ministru Finansas kona-ba tetu final ba dotasaun orsamentu temporariu ka DOT ba fulan jullu 2020 no konsellu ministru deside ne’ebé mak fiksu ho valor $120.7 millaun dolar amerikanu, ida ne’e inklui ona pagamentu ba imprestimu sira “, Ministru MPKM ba jornalista sira iha Palasiu Governu, kinta (08/07/).

Entretantu reuniaun Konsellu Ministru (KM) iha loron 2 fulan Outubru 2019 aprova tiha proposta Orsamentu Jerál Estadu (OJE) tinan 2020 ho montante 1.95 Biliaun maibé orsamentu refere sumba iha parlamentu nasionál to’o ohin loron Estadu la’o ho rejime duodecimal.

(Jornalista: Jaime Pires)

No More Posts Available.

No more pages to load.