KM Aprova Aliterasaun Dekretu Lei Suplementu Remuneratoriu ba Funsionáriu Publika Sira

by -54 views

Timor Post (12/08/2020)- Konsellu Ministru hasoru malu iha Palasiu Governu kuarta (12/08) ne’e halo ona Aprova aliterasaun dekretu lei númeru (17/2020) loron 30 fulan Abríl ne’ebé kria suplementu remuneratoriu ba funsionáriu públiku sira.

“Ohin halo ona aprovasaun ba projetu dekretu lei ne’ebé aprezenta hosi Ministru Finansas, kona-ba aliterasaun dahuluk ba dekretu lei númeru (17/2020) loron 30 fulan Abríl, ne’ebé kria suplementu remuneratoriu ida ba funsionáriu” dehan Ministru Prezidensiál Konsellu Ministru Fidelis Leite Magalhães ba jornalista sira iha Palasiu Governu.

Nia esplika, aliterasaun dekretu lei ne’e, ba kriasaun suplementu remuneratoriu ida ba funsionáriu, ajente no traballadór sira administrasaun publika nia ne’ebé presta atividade profisional ida-idak iha servisu ba prevensaun ka kontrolu covid-19 nia ka iha kondisaun direta espozisaun ba virus SARS-CoV2 durante vijénsia estadu emerjénsia.

Fidelis dehan, ho aliterasaun ida ne’e sei abranje mós iha ámbitu suplementu remuneratoriu ne’e ba pesoál ne’ebé hala’o funsaun iha sala situasaun sentru integradu ba jestaun krize nia no pesoál hosi servisu nasionál intelijénsia.

“Sira ne’ebé hatuur atividade ne’ebé involve risku infesaun nia hosi SARS-CoV2 no task force ba prevensaun no kontrolu covid-19 nia hosi administrasaun munisípiu sira nia” Nia hakotu.(Jornalista: Jaime Pires)

No More Posts Available.

No more pages to load.