Klínika Bairru Pité Rejistu IR 289

by -64 views
Foto Google

DILI—Tuir dadus hosi fulan Juñu nian Klínika Bairru Pité (KBP), rejistu moras Infesaun Respiratóriu (IR) hamutuk atus rua ualunulu resin sia (289).

Xefe Administrasaun KBP, Lino Alvaro hatete, ba fulan Jullu sira seidauk rejistu ema moras IR, maibé dadus ba fulan Juñu nian sira rejista ona pasiente ba ho moras IR hamutuk 289.

“Iha Juñu nia ne’e moras infesaun respiratóriu sa’e ba 289, dadus maternidade ba iha inan isin rua sira sa’e ba 381 no moras kulit sa’e ba 64”, Lino ba Jornalista Timor Post iha nia knaar fatin, Kuarta (21/07).

Nia hatete, pasiente sira ne’ebé halo tratamentu iha KBP, bainhira identifika pasiente moras grave uitoan, entaun doutór sira haruka tenke baixa, bainhira kondisaun normal mak foin haruka sira fila.

Aleinde ne’e mós, KBP rejistu seluk hanesan Tuberkuloze (TB) hamutuk 200 resin, hahú hosi fulan Janeiru to’o mai ohin loron.

“Kuarta semana kotuk ami halo ona abertura ba screening Aldeia 26 iha suku Bairru Pité hodi fahe informasaun ba komunidade sira”, nia tenik.

Tuir nia, pasiente sira ne’ebé ho moras TB hamutuk na’in 20 resin mak sira halo ona transferénsia ba iha Klínika Klibur Domin Tibar. (PJ16)

No More Posts Available.

No more pages to load.