KBRI Kari Aifunan ba Repzentante Restu Mortais Nain 1.300

by -69 views
Familia Embaixada Indonezia (KBRI) kari aifunan ba restu mortais Indonezia nian iha TMP Seroja, Balide, (Foto TP/Maria Lizia)

Reportájen Olga Soares/Editora Suzana Cardoso

DILI (Timor Post) – Hasoru aniversariu Repúblika Indonezia (RI) ninia Independensia ba dala 76, familia boot Embaixada Indonezia (KBRI) ba kari aifunan iha restu mortais (Taman Makam Pahlawan Inonesia-TMP) Seroja, Balide.

Embaixador Indonezia ba Timor-Leste, Sahat Sitorus hatur aifunan iha monumentu TMP Seroja Balide. (Foto TP/Maria Lizia)

Tuir obesrvasaun Timor Post iha loron Sesta, (13/08), Embaixadór Indonézia iha Timor-Leste (TL), Sahat Sitorus ho nia espoza, hetan akompañia husi militar Indonezia, Angakatan Bersenjata Republika Indonesia (ABRI) lori aifunan ba hatur uluk iha monumentu boot hafoin hakat liu ba kari aifunan ba rate sira iha fatin ne’ebá.

Hasoru selebrasaun Independensia Republika Indonezia (RI) ba dala 76 KBRI ba kari aifunan iha TMP Seroja Balide. (Foto TP/Maria Lizia)

Remata kari aifunan, Embaixadór Indonézia iha TL, Sahat Sitorus ba Timor Post husu ba Governu TL no autoridade lokál sira atu servisu hamutuk. Halo kooperasaun di’ak atu foti restu mortais militár Indonézia ne’ebé namkari iha teritoriu nasionál.

“Ami ho respeita hato’o ba Governu no povu TL hodi halo rekonsiliasaun ne’ebé iha ona. No husu ita hamutuk iha kooperasaun ida ne’ebé di’ak, para ami bele foti ami nia restu mortais militár Indonézia sira,” katak Embaxadór Sahat hodi hatutan.

Restu mortais militar Indonézia sira nia mate durante tinan 24 nia laran hakoi iha territóriu nasionál. Husi kooperasaun ida ne’ebé diak husu atu lori mai tau hamutuk iha TMP Kailara, Baukau no TMP Seroja Dili.

Embaixadór ne’e salienta, durante hala’o misaun iha TL hahú hosi tinan 2017 – 2019 konsege halo koopera ho Governu no povu TL. Muda ona militár Indonézia ne’ebé mate halot iha Munisípiu Manatuto ba tau iha Baukau no sira ne’ebé mate iha Likisá lori mai tau fali iha Dili.

Diplomata ne’e informa, restu mortais hosi Likisá hamutuk 77 no Manatuto muda ba Baucau hamutuk 22. “Ami nia ABRI sira ne’ebé mate iha TL hahú kedas hosi tinan invazaun mai TL, iha 1975 to’o 1999 ne’ebé haloot hela iha TMP Kailara, Baukau hamutuk na’in 600 no iha Dili na’in-700, la inklui restu mortais ne’ebé seidauk rekolla iha teritoriu TL,” tenik Nia.

Remata kari Aifunan Familia Boot KBRI foto hamutuk iha TMP Seroja Balide. (Foto TP/Maria Lizia)

Hatan Timor Post konaba, selebrasaun Independensia RI nian ne’ebé sei monu iha loron 17 Agostu 2021, Sahat Sitorus dehan, selebrasaun ne’e sei halo de’it ho izar Bandera. Tanba TL iha situasaun pandemia COVID-19. (Lee notísia seluk iha jornál Timor Post)

No More Posts Available.

No more pages to load.