Kazu Pozitivu Aumenta iha Dili no Situasaun Jerál Hafoin Serka Sanitaria

by -38 views

Timor Post (9/03/2021) – Hafoin Governu liuhosi reuniaun estraordináriu Konsellu Ministru (KM) Segunda (8/3) deside serka sanitáriu iha munisípiu durante loron 7, Komandu Polisia Munisípiu Dili hahú blokea pontu entrada relasiona ho Covid-19 ne’ebé deteta iha Tasi 3 no Bebonuk Dili.

Serka sanitáriu durante loron 7 bandu movimentu transporte hosi Dili ba munisípiu seluk no vise versa hahú iha (8/3/2021) (00:00) to’o (15/3/2021).

Pontu entrada sira maka polisia blokea hanesan Diresaun Dili-Baukau, Dili-Manatutu, Dili-Vikeke no Dili Lautem taka iha pontu entrada Metinaru.

Diresaun Dili-Likisá, Dili-Ermera no Dili-Bobonaru taka iha pontu entrada Tasi 3, enkuantu Dili-Covalima, Dili Manufahi, Dili-Ainaru no Dili Aileu, taka iha pontu entrada Manleuana no Dare.

Atividade merkadu tuir observasaun Timor Post maioria loza no kioske barak halo atividade normal maibé menus movimentu konsumidór hanesan loron bai-bain, enkuantu stock foos iha loja balun menus no folin karun.

Antes ne’e hosi parte relijiaun igreja katóliku liuhosi Arsebispu Arkidioseze Metropolitana Dili Don Virgílio do Carmo, SDB, suspende provizóriu atividade misa diária no misa dominikanu ninian durante loron 7.

 Maski nune’e Segundu Komandante Polísia Nasionál Timor-Leste, Euclides Belo hatete, serka sanitaria iha Munisípiu Dili Transporte Públiku sira bele halo movimentu maibé labele koko hare polisia maka uza máskara.

“Transporte públiku iha Munisípiu Dili bele halo movimentu nafatin maibé distansiamentu sosiál importante nafatin, labele sena malu barak liu iha Bemo laran ka Bus laran maibé obrigatoriamente tenke utiliza máskara. Uza máskara labele hatún hasa’e no labele koko hare polísia iha mak foin uza máskara ne’ebé konsensa ne’e mai hosi ita rasik”, dehan Euclides ba Jornalista sira iha nia kna’ar fatin, Kaikoli tersa (09/03).

 Euclides hatete oras ne’e PNTL kontinua halo sensibilizasaun ba fatin sira iha públiku hodi sensibiliza nafatin komunidade sira kona bá regra prevensaun covid-19, liu-liu iha fatin terminal  dezinfeta ba fatin públiku sira no mós bairru sira iha Munisípiu Dili.

Entretantu Diretora Prestasaun Servisu Ministériu Saúde Odete Viegas, hatete Progresu hosi kazu  Bairru  BTN II Aldeia tasi tolu Suku Madohi,  hafoin deteta rua to horisehik ema nain rua, ekipa konjuntu saúde buka tuir nafatin kontaktu besik sira hosi kaza rua refere,  hosi ida nee iha tan kajú sira hosi kontaktu besik ema na’in 3 maka professional saúde ida ho nia na’in rua ne’ebé rezidénsia iha BTN II.

Diretora subliña hosi kazu foun 3 hamutuk kazu 9 iha munisípiu Dili. Relasiona ho profesional saúde pozitivu ekipa vijilánsia halo kedas teste ba professional saúde Nain 32 seluk maibé rezultadu hatudu negativu.

Jornalista            : Jaime Pires

Editor                    : Mariano Martins