Kazu Post Partu Hemorrhage Aas iha Maternidade HNGV 

by -384 views
Imajen Google

(Reportajen Estaziadu Cardenio Alves/Asistente Editor Hermenegildo da Costa Tilman)

Dili (Timor Post)—Kazu Hemorrhage post partu iha Maternidade Hospital Nasionál Guido Valadares (HNVG), kada tinan rejista númeru ne’ebé aas no sempre sai preokupasaun boot iha unidade parteira nian.

Xefe Unidade Parteira, Elfrida Justina, informa, iha 2020, akontese kazu inan partu husi  rihun-lima atus neen-haat nulu-resin-tolu (5.643), maibé husi Kazu inan partu ne’e sira nain tolunulu (30), maka tama ba iha status kategoria Hemorrhage post partu.

“Hemorrhage partu ne’ebé mak lalais liu no ikus rezulta raan fakar barak entaun ida ne’e ami foti ba iha kazu ho post partus hemoragia” hatete husi Xefe Unidade Parteira, Elfrida Justina, iha Hospital Nasionál Guido Valadares (HNGV), Tersa, (10/05).

Nia dehan, fila-fali ba tinan 2021 hetan mós inan ne’ebe partu nafatin rihun-lima atus neen Haat nulu-resin-tolu no husi ne’e na’in tolunulu-resin-rua mak hetan Hemorrhage Post partu.

Durante tratamentu iha Klínika ANC la’o normal hanesan baibain maibé akontese ne’e bainhira inan ida atu partu tama iha faze ativu maibé faze ativu ne’e iha oras primeiru nia mai iha tuku sanulu ho tuku lima lokraik maibé tuku hitu kalan nia la bele normal ona. Nia afirma

“Sekarik inan partu ida mai ho oras ida de’it maibé fila fali ba oras rua dilatasaun kompleta entaun ne’e bolu partu ne’ebé lalais liu bele halo impaktu ba iha seranse serfiku,” nia dehan.

Nia husu ba inan partu sira atu nafatin servisu maka’as no kuidadu an nune’e buat hotu bele la’o ho di’ak.

“Tanba dala ruma prosesu ne’ebé normal akontese ba sira tanba bainhira nia dilatasaun ne’ebé sei kiikIta haruka sira la’o maibé la bele fó forsa kuandu fó forsa liu mós dala ruma dilatasaun sei kiik maibé presiza haka’as an atu bele akontese serfiku tanba ho forsa inan nian rasik,” hakotu. (Lee Notísia Seluk Iha Jornál Timor Post/Asesu You Tube Timor Post)

No More Posts Available.

No more pages to load.