Kazu Explorasaun Seksuál, Polísia Kaptura Xineza Na’in-Rua iha Terminal Bekora, Feto Ida Halai Lakon

by -221 views
Foto TP

Timor Post (04/12/2020)—Polísia Nasionál Timor Leste (PNTL) liuhusi Servisu Investigasaun Kriminál (SIK) kaptura tiha ona Xinez na’in-rua tanba deskonfia komete kazu explorasaun seksuál. Kazu ne’e akontese iha tinan 2016 iha área Eskola Paulo VI.

Iha prosesu kapturasaun ne’ebé hala’o iha área Terminal Bekora, Dili, polísia konsege kaptura de’it na’in-rua inklui feto ho mane, inkuantu na’in-ida seluk halai lakon tiha.

Suspeitu na’in-rua ne’ebé iha ona polísia nia liman, lori kedas ba sulan iha Prizaun Bekora ho estatutu Prizaun Preventiva tuir mandadu Tribunál Distrital Dili (TDD).

Mandadu kapturasaun ne’ebé SIK-PNTL ejekuta ba sidadaun Xineza na’in-tolu ho númeru NUK,0245/16 PNSIK.

“Xineza nain tolu, feto rua, mane ida ne’e komete kazu Explorazaun Seksuál 2016 nian, besik eskola Santu Paulus nia sorin,” Membru SIK ba Jornalista sira iha terenu. (flo)

No More Posts Available.

No more pages to load.