Kandidatu PR Lú Olo Husu Hatudu Faktu Nia Viola Konstituisaun

by -1.013 views
Kandidatu Prezidente Repúblika ho númeru sorteiu (6), Francisco Guterres Lú Olo. Foto Espesial

(Reportajen Jaime Pires/Editor Mateus da Cruz)

Dili (Timor Post)- Kandidatu Prezidente Repúblika, Francisco Guterres Lú Olo, dehan, iha ema barak maka dehan nia furador konstituisaun maibé nia la haree iha konstituisaun artigu ida ne’ebé maka violadu ka violadu tiha ona durante nia kaer pasta prezidente republika.

“Ha’u hakarak kolia buat loos ida iha ne’ebé mak ema sempre bosok povu katak Lú Olo ne’e furador konstituisaun RDTL, maibé to’o agora ha’u seidauk haree artigu konstituisaun ida ne’ebé mak sai furadu tiha ona no sai violadu tiha ona ha’u seidauk hare,” nia dehan hafoin halo kampaña Prezidensiál iha Postu Administrativu Kristu-Rei, Suku Bekora, Kampu Culau, Segunda (14/03).

Nia parte sente katak nia sei la’o tuir dalan legal dalan konstitusionál nia, ba desizaun hirak ne’ebé mak durante nia hola nu’udar Prezidente Repúblika.

“Ha’u la viola konstituisaun no ha’u la fura konstituisaun, tanba sira dehan ha’u viola artigu no furador konstituisaun maibé ha’u husu sira dehan viola artigu hira, sira dehan de’it viola artigu, entaun ida ne’e ema hotu bele ko’alia maibé faktus laiha,” tenik Nia.

Tanba Lú Olo hatete, sira ne’ebé maka dehan nia furador kontituisaun tenke hatudu artigu hira mak prezidente fura no konstituisaun ida ne’ebé mak Prezidente Repúblika fura ona, sira tenke hatudu ho faktus atu nune’e bele hatene loloos.

“Entaun sira nia ko’alia ne’e la vale buat ida no hakarak halo de’it propaganda hodi bele influénsia eleitores sira hotu atu labele vota ba Lu’olo,” Nia hakotu.(Lee notisia seluk iha Timor Post/Asesu You Tube Timor post)

No More Posts Available.

No more pages to load.