Kandidatu PR Anacleto Vota Ona Iha Sentru Votasaun Kulu-Hun

by -299 views
Kandidatu Prezidente Repúblika ho númeru sorteiu (5), Anacleto Bento Ferreira lao ba Sentru votasaun Eskola Primaria Públiku 04 Kulu-Hun hodi ezerse nia direitu demokratiku. (Foto Timor Post/Jaime Pires)

(Reportájen Jaime Pires/Editora Suzana Cardoso)

DILI (Timor Post) – Kandidatu Prezidente Repúblika (PR) ho númeru sorteiu lima (5), Anacleto Bento Ferreira vota ona iha sentru votasaun Eskola Primaria Públiku 04 Kulu-Hun, iha Suku Kulu-Hun Postu Administrativu Kristu-Rei Munisípiu Dili, maizu menus tuku 10:00 OTL.

Lee Notisia Relevante: Horta Vota ona iha Metiaut No Deklara Prontu Simu Rezultadu

Kandidatu Prezidente Repúblika ho númeru sorteiu (5), Anacleto Bento Ferreira, partisipa vota iha sentru votasaun, Eskola Primaria Públiku 04 Kulu-Hun. (Foto Timor Post/Jaime Pires)

“Ha’u partisipa votasaun ida ne’e ho laran kontente iha ambitu festa demokrasia nian. No ha’u mai ezerse ha’u nia direitu nu’udar sidadaun ida ho responsabilidade no konsensia tomak.”

Hateten Kandidatu Anacleto bá jornalista sira, hafoin partisipa iha sentru votasaun Kulu-Hun, Sabádu (19/04/2022). Nia hateten, partisipa pesta demokrasia ne’e moos ita atu iha desizaun polítika atu bele determina nasaun ida ne’e nia destinu sentru sei Sinco anus oin mai.

Lee Notísia Relevante: Milena Pires Hatudu Simplisidade iha sentru Votasaun

Tanba Anacleto moos fó kontribuisaun ba politika nasaun nian, nune’e katak Anacleto kontribuisaun ne’e sei lori prosesu ba dezenvolvimentu no prosesu konstrusaun ba estadu determina ohin liuhusi ezerse direitu nu’udar sidadaun.

“Kada kandidatu iha ninia optimizmu rasik. Tanba ida ne’e ha’u nia bairru rasik, garantia ne’ebé mak katak sei iha votantes mai ha’u no ha’u nia kaixa sei la mamuk. Maibé manán ka la manán, ne’e país demokrátika, ne’ebé tenke simu rezultadu hotu,” tenik Nia.

Ida hosi Sentru votasaun tolu iha Suku Kulu-Hun, komunidade sira nadodon ba vota hodi ezerse sira nia direitu demokratiku iha eleisaun prezidensial, Sabadu, (19/03/2022). (Foto Timor Post/Jaime Pires)

Lee Notísia Relevante: Lú Olo: “Vota Hametin Estadu Direitu Demokrátiku”

Hatutan Anacleto, durante nia tuir kompetisaun nunka lakon, manán iha vitória no manán iha esperiénsia, entaun ida ne’e ita manán hotu.

“Karik ha’u manan sai Prezidente sei lori prezidente ne’e rabat liu ba povu. La’ós Prizidente sai fali opozitor ba governu. Maibé Prezidete Repúblika prova ba buat hotu-hotu hanensan povu no orgaun soberania sira hotu,” subliña nia hodi hatutan.

Lee Notísia Relevante: Milena Pires Hatudu Simplisidade iha sentru Votasaun

Esperansa eleisaun ida ne’e ho partisipasaun ne’ebé mak diak ho númeru ne’ebé mak masimu. Tanba ida ne’e vitória ida mesak ba Timor-Leste, fora husi kestaun se mak manán ka la manán hodi eleitu.

Lee Notísia Relevante: Isabel Iha Esperansa Povu Halo Desizaun Ne’ebé Loos

Tuir observasaun Timor Post katak, hafoin sentru votasaun loke iha tuku 7:00 komunidade sira kuaze rihun rua resin mak vota ona, enkuantu barak mak kontinua forma hodi ezerse sira nia dereitu ba votu.

Iha suku Kulu-Hun ne’e, sentru votasaun loke iha fatin tolu mak hanesan, Sede Suku Kulu-Hun, Eskola Primaria Públiku 04 Kulu-Hun no mós iha kampu Futeból Kulu-Hun.(Lee notísia seluk iha Joral Timor Post/Asesu You Tube)

No More Posts Available.

No more pages to load.