Kampaña Segunda Ronda Hahú Iha RAEOA-Ermera

by -311 views
Orariu Kampaña Eleisaun Prezidensial Segunda Ronda

DILI (Timor Post) – Hahú loron 02 Abríl 2022 kampaña ba eleisaun segunda ronda hahú. Hosi kandidatu númeru dahuluk Dr. José Ramos Horta sei hahú ninia kampaña iha RAEOA no kandidatu númeru daruak, Dr. Francisco Guterres Lu Olo sei hahú ninia kampaña iha Munisípiu Ermera.

Iha segunda volta ne’e entre kandidatu na’in rua ne’e ida-idak lori ninia apoiante ne’ebé iha influensia makas ba eleitór sira. Hosi kandidatu Dr. José Ramos Horta ne’ebé hetan apoiu hosi Partidu CNRT,  Partidu Demokrátiku (PD) no kandidatu Anacleto Bento Ferreira.

Nune’e iha loron, Sesta, (01/04/2022) Kandidatu José Ramos Horta, Kay Rala Xanana Gusmão, Mariano Assanami Sabino no  Anacleto Bento Ferreira hamutuk ekipa susesu kandidatu nian dezloka ona ho roo  Barcoo ba RAOEA hodi lansa kampaña dahuluk loron nian.

“Fó apoiu tomak ba Dr. José Ramos Horta tanba iha programa lubuk ida maka nia ko’alia ba konstrusaun estadu ne’e importante tebes ita hodi fali Timor-Leste hanesan nasaun ida ne’ebé maka saudavel no Timor-Leste ida ne’ebé di’ak liu ba povu,” hateten Prezidente PD, Mariano Assanami Sabino iha Portu Dili antes dezloka ba RAEOA.

Iha parte seluk kandidatu Dr. Francisco Guterres Lu Olo ne’ebé hetan apoiu hosi Partidu Khunto no PLP  sei lansa ninia kampaña iha Munisípiu Ermera. Iha loron Sábadu (02/03/2022) sei arranka ba Ermera hamutuk ho Prezidente PLP Taur Matan Ruak no Konselleiru Másimu Partidu Khunto José dos Santos Naimori Bukar hodi hahú kampaña.(Asesu Notísia Seluk Iha Jornál Timor Post/Asesu You Tube Timor Post)      

No More Posts Available.

No more pages to load.