KAK Investiga Kazu 73 iha Tinan 2020

husi -24 views

Timor Post (11/01/2021)- Komisáriu Komisaun Anti Korrupsaun,  Sergio Hornai, relata katak KAK investiga kazu 73 iha tinan 2020, entre númeru ne’e proveta kazu 30 maka remete ona ba Ministériu públiku enkuantu kazu restu sidauk tanba kompleksu.

“Tinan ne’e ita iha 73 kazu ne’ebé mak ita halo investigasaun, no purvolta 43 prosesu ita remesa ona ba iha ministériu públiku no kazu purvolta 30 prosesu mak sei iha hela faze investigasaun nia laran tanba mai ho ninia kumplisidade ho kuidadu, atu nune’e ita rekolla matéria defaktu sira ne’e bele prenxe duni legalidade ne’ebé mak lei ezije”, haktuir  Komisáriu.

Eis defensór públiku ne’e subliña iha númeru ne’e krime korrupsaun ninia liu-liu ba iha partisipasaun ekonómiku, abuzu de podér, peculate, ida ne’e mak sai hanesan kazu dominante depende ba iha natureza komisaun anti korrupsaun ninia konforme lei númeru 8/2009, atribui ba iha komisaun anti korrupsaun”, Nia dehan.

Hornai hatutan involve iha korrupsaun ne’e liu-liu autoridade sira ne’ebé mak iha podér liña ministeriais no mós instituisaun estadu ninian.

Jornalista: Jaime Pires

Editor: Mariano Martins