KAK ho PNTL Selebra Akordu Atua Koruptór iha Timor Leste

by -118 views
Foto TP: Mariano Do Santos

Jornalista Jaime Pires / Editór Noémio Falcão

Dili (Timor Post)— Komisaun Antí Korupsaun (KAK) ho Polísia Nasionál Timor-Leste (PNTL) selebra akordu servisu hamutuk iha atuasaun sira ba kazu korrupsaun iha instituisaun estadu tomak iha Timor Leste.

“Intensaun ne’ebé ke kleur  ona,  atu formaliza de’it atividade sira ofisiál ba futuru oinsá atu dezenvolve institutuisaun rua ne’e servisu hamutuk di’ak liután, atu bele prevene aktu aat ida korupsaun ne’ebé implika ba ita nia povu nia moris no mós afeita ba dezenvolvimentu nasionál,” Komadante PNTL, Komisáriu Faustino da Costa, iha nia diskursu, iha Edefísiu CFP Komoro, Kuarta (17/11/2021)

Nia subliña, akordu ida ne’e halo la signifika aktu sira ne’ebé komete husi membru instituisaun ne’e sei la halo investigasaun ou prosesu, maibé akordu ne’e halo validu ba Institutuisaun PNTL hotu

“Tanba aktu ne’ebé komete husi ema, tantu instituisaun ninia ne’e, kontinua prosesu ne’e la’o nune’e, labele interpreta katak akordu ne’e halo ona, no Aktu sira ne’ebé komete husi instituisaun PNTL sira la halo, ne’e lae”, dehan Nia.

Iha sorin seluk ,Komisáriu KAK, Sergio Hornai deklara, objetivu prinsipál husi nota entedementu ida ohin ne’e, atu hatudu tan katak instituisaun rua iha koperasaun ne’ebé  metin liu tan no oinsá mak kombate kriminalidade iha rai doben Timor-Leste.

“Objetivu lolos husi ohin ne’e hanesan dalan ida, ba iha konsolidasaun servisu ne’ebé mak halo tiha ona, i hetok hametin liután, ba iha troka de Informasaun sira, liuliu iha servisu Informasaun kriminalidade ninia, servisu investigasaun intelijensia ninia, para ita bele buka oinsá desmantela ba prátika sira ne’ebé bele mosu ba iha krime sira tantu iha krime ordinaria no mós iha krime organizadu sira”, tenik Nia.

Sergio reforsa, bele iha krime ordinaria maibé iha krime koneksu sira ne’ebé iha relasaun ba iha krime organizadu sira,liuliu ba iha krime korupsaun sira,abuzu de poderes,krime pekulatu,krime partisipasaun ekonomia,no krime sira seluk ba iha droga,no mós ba drafiku humanu ninia,hirak ne’e hotu,presija iha vizaun ida que hanesan,para bele fo asaun ba operasaun sira iha terenu,entaun konsolidasaun instituisaun rua ne’e importante

“Agora kestaun pratika ne’ebé halo husi ajentes,tantu iha PNTL ,hanesan mós Institutuisaun publiku Estadu ninia,Se nia mak halo nia tenke responsabilisa kriminal ida ne’e” hakotu.

No More Posts Available.

No more pages to load.