KAK Halo Operasaun Buska no Apreensaun iha APORTIL Kona-ba Ró Tranship II

by -391 views
Imajen ne'e hatudu ekipa husi KAK rekolla hela dokumentu sira iha APORTIL. Foto TP: Jaime Pires

Jornalista Jaime Pires / Editór Noémio Falcão

DILI (Timor Post)—Komisaun Anti Korupsaun (KAK) halo operasaun buska no apreensaun iha Administrasaun Portuáriu Timor-Leste (APORTIL) relasiona ho kazu Ró Tranship II ne’ebé mak governu aluga husi Indonézia.

Medida ne’e KAK hala’o tanba ezekuta mandadu husi Tribunál Distrital Dili (TDD) ho Númeru Nuk 007/21.KAK TL.

Observasaun Timor Post hakuir, ekipa KAK hahú ezekuta mandadu ne’e iha diresaun nasionál kapotajen iha tuku 9 dadeer ne’e.

Ekipa KAK Seksaun Investigasaun hamutuk na’in 15 to’o iha APORTIL buka kedas dokomentu sira hanesan evidénsia no prende kedas dokomentu sira ne’ebé iha relasaun ho Ró Tranship II.

KAK halo buska no apreensaun ba dokomentu komprovativu sira sei lori ba halo investigasaun.

Hafoin halo investigasaun no verifikasaun, karik ekipa KAK hetan indísiu forte maka sei halo kedas kapturasaun.

No More Posts Available.

No more pages to load.