Juventude Kontinuador Sei lori Lere ba Tuur iha Palasiu Bairropite

by -239 views
Juventude kontinuado kompostu hosi munisipiu 13 inklui RAEOA, deklara sei fo apoiu tomak ba kandidatu independente Lere Anana Timur iha eleisaun prezidensial 2022-2027, Foto TP/deny

 (Reportajen Cardenio Alves/Editor Mateus da Cruz)

DILI (Timor Post)- Brigada kandidatu Lere Anan Timur, kompostu hosi juventude kontinuador munisípiu 12 inklui Rejiaun Administrative Espesiál Oekusi Ambenu (RAEOA), deklara sei esforsu maka’as hodi lori kandidatu Independente Lere Anan Timur, sai Prezidente repúblika ba períodu 2022-2027.

“Ami Brigada hosi munisípiu sanulu resin 13, inklui Rejiaun Administrative Espesiál Oekusi Ambenu (RAEOA), Fó Votu Konfiansa Tomak Ba Kandidatu Independente Lere Anan Timur Atu Hetan Vitoria Iha Eleisaun Prezidensiál hodi servi Povu no estadu RDTL,” dehan Portavoz Brigada Lere Aman Timur, Rigo Freitas, iha Largo, Lesidere, sábadu (26/2).

Portavós hatete, kandidatu Prezidente Repúblika Períodu 2022-2027, Kandidatu Lere Anan Timur iha nia filozofia ida katak “Ha’u La Iha Osan Atu Fahe Ba Povu Timor Maibé Ha’u Iha Domin, Unidade, Paz, Estabilidade, Solidariedade no Justisa Hirak Ne’e Mak Xave ba Dezenvolvimentu”.

Tanba ne’e nu’udar Brigada kandidatu Lere fiar katak  kandidatu bainhira sai prezidente repúblika sei servi Povu no nasaun ho di’ak.

Garantia katak kandidatu Lere sei  Promove diálogu ba lider polítiku no órgaun soberanu RDTL Hodi Garantia Unidade Asaun no Progresu, tuir lema RDTL no Konsidera Direitu Liberdade Espresaun Sidadania Nian Hodi Kombate Injustisa No Diskriminasaun Social.

Brigada Lere Anan Timur prontu servisu no konjuntu forsa hamutuk ho povu tomak hodi fó apoiu ba kandidatu Lere Anan Timur hodi bele hakotu impase polítika ne’ebé maka daudaun nee hatodan hela ekonomia estadu RDTL nian.

Portavós husu ba estrutura no membru sira iha Timor laran atu konsisten, organiza, determinadu hodi fo Vitoria ba kandidatu Prezidente Repúblika Lere Anan Timur hosi sai Prezidente Repúblika ba períodu 2022 -20217. (Lee notisia seluk iha jornal Timor Post/asesu youtube Timor Post)

No More Posts Available.

No more pages to load.